يا ليلْ يا قاسيْ على العشّاقْ ..............باللهْ عْلـَيْكْ تخفِفْ الأشواقْ
سِنتينْ صرلو هالقلبْ مَقهورْ ............وما كانْ ينساها بعدْ الـْفراقْ
والشمسْ طِفـْيانهْ عليِّ النورْ................والروحْ فييْ مابقا تنـْطاقْ
معْ كِلْ دقـّة ْ قلبْ عَمْبتغورْ ................سِكـّينْ بقيانه ْ بجرحْ حرَّاقْ
منْ إيدها الليْ مْعَوَّدهْ عَ زهورْ.............منْ قلبْ ندَّاها بهواهْ غـْرَاقْ
وسِنتينْ صرلو هالعمرْ مَهدورْ............مِضْيانْ مَ بيعرفْ هَنا ولا راقْ
بـِرْجَعْ عَ هاكْ المقعدْ المهجورْ .........منْ غيرْ ما إدرى إلوْ بنـْساقْ
بهاكْ الحديقة ْ الليْ بْهَداها شهور.........كان الأملْ يرسمْ حلمْ برَّاقْ
بقعدْ لحاليْ بْسَاير بْمَنثورْ...................لمْساتها يامَا حلاها ذاقْ
وبعدا بباليْ سَكـْتِة ْ العصفورْ ...........وأشجار عَمْتبـْكيْ أسى أوراقْ
والريحْ تحملها معا وتـْدورْ.........عَ رصيفْ مشوارو غِفِيْ وما فاقْ
لمّا بـِلحظهْ انـْهَدْ كِلشيْ قـْصورْ.............ومَرّ القدرْ عَ حِلـْمنا سِرَّاقْ
بكِلماتْ قالتليْ , بحْكِيْ معْصورْ .......هالكونْ عَ وسعو بحروفا داقْ
(متأسفهْ : قلبيْ أنا معْذورْ .........غـَيْركْ عِشِقْ , والحُبْ مِشْ بالإيدْ
بْعِدَّكْ أخيْ , وبنتـَمّ ْ هَيْكْ رْفاقْ)
موضوع: متأسفة 
12/6/2008, 11:29 pm
