راجع غـَيم الشتويهْ.......و واقـَّفْ عالبابْ
حامل لحنْ وغنيّهْ ........توعِّيْ المزرابْ
======================
فلّ الصيفْ بشوباتو............وطَلطَلْ أيلولْ
وصار الغيمْ بهبَّاتو..............عَالصبحْ يجولْ
وعنقوديْ عا حَبَّاتو.............بالو مشغولْ
منْ عْصَافير اللي بَاتو.....عَ السروهْ قـْرَابْ
=====================
راجع غـَيم الشتويهْ.......و واقـَّفْ عالبابْ
حامل لحنْ وغنيّهْ ........توعِّيْ المزرابْ
======================
شو صايرْ بين الورقهْ .....وبين الطرنوبْ
الناسيْ العشرهْ والرفقهْ...وخِلـْقو مقلوبْ
خايفْ يرميها بطلـْـقـَهْ....وتِشْرُدْ عَ دروبْ
و قلبا يفِتْ منْ الحِرْقهْ......ويصيرْ ترابْ
====================
يَ فروعْ الغصن الحانيْ......حاجهْ مْشاويرْ
حِمَلـْتيْ الخير ببستانيْ.....وفَضِّلتيْ كتيرْ
الهيئهْ نعِستيْ وتعبانهْ .........ناميْ بَكِّير
شمس الصيف الولعانهْ.....مالِتْ عَ غيابْ
====================
راجع برد الشتويـِّة == وثيـاب الصــوف
دنيي تشتّي وشمسيِّـة ==وحارات تطوف
حد الصوبا المنسيِّـة == بترجـع الكفـوف
تشعل عود الحنيِّـة == بين الأحبــــاب
موضوع: فلاح 
17/5/2008, 12:10 am
