بكير إنتي و أنا رحنا عادرب العين و الطير كان وقتها مبلش بالغناني
حتى صبايا البلد كانو تنين تنين و جرار تلمع بنور الشمس ملياني
هونيك لما وصلنا لمفترق دربين شفنا زهور و شجر بالفي برداني
و وديان يعطو صدى من دقة القلبين و قبال هاك النهر غزلان جفلاني
يم العيون الخضر يا موردي الخدين عا اللأرض إنتي و شهر نوار خلقاني
و إيدك بإيدي التقت يا ناعمي الإيدين تا صار دم الفرح يمشي بشرياني
بحبك و لكن إلك باقي عليي دين و الروح عندك لفك الرَهن علقاني
و تا كنت حبك بعد أكتر يا نور العين يا ريت عندي بصدري شي قلب تاني
-----------------------------------------
موضوع: بكير 
20/10/2008, 2:56 am
